12 సెప్టెంబర్ 2011

ఫొటోలు : శ్రీ రమణాశ్రమం, శ్రీ అరుణాచలం

శ్రీ అరుణాచలం (తిరువణ్ణామలై) జీవన్ముక్తిని అన్వేషించేవారు సందర్శించవలసిన క్షేత్రం. ఈ క్షేత్రాన్ని స్మరించినా ముక్తి కలుగుతుందని పెద్దలమాట. అయితే అరుణాచలం అంటే ఏమిటి, స్మరించటం అంటే ఏమిటి, ముక్తి అంటే ఏమిటి...

శాశ్వతసత్యానికి సంబంధించిన వెలుగు కొందరు మహాత్ములలో, కొన్ని పవిత్రక్షేత్రాలలో ఏమంత శ్రమలేకుండా గోచరిస్తుంది. అయితే ఆ వెలుగుని అనుభూతించడానికీ తగినంత నిర్మలమైన, ప్రశాంతమైన మానసిక స్థితి ఉండాలి. పాత్రను బట్టి గంగ అన్నట్లు, యోగ్యతను బట్టి అనుభూతి.

అరుణాచల క్షేత్రాన్నికేవలదృశ్యంగా చూసినా ఒక అనాది నిశ్శబ్దమేదో మనని పిలుస్తున్నట్టుగా ఉంటుంది. తన వద్దకు రమ్మని, తనలో కరిగిపొమ్మని ఆ పవిత్రత మనవైపు దయగా చేతులు చాస్తున్నట్లు ఉంటుంది...

శ్రీ రమణులవంటి జ్ఞానులు, పర్వతపాదంలోని ఆలయంలోనే కాక, పర్వతం పర్వతంలోనే భగవంతుని స్వరూపాన్ని దర్శించిన ఆ క్షేత్రాన్ని చూడండి.

ఈ ఫొటోలు 2007 జనవరిలో శ్రీ రమణమహర్షి జయంతి రోజులలో వెళ్ళినపుడు తీసినవి. ఈ ఫొటోలలో శ్రీ రమణాశ్రమం, శ్రీ అరుణాచల గిరిప్రదక్షిణ, కొండపై శ్రీ రమణులు నివశించిన స్కందాశ్రమం, విరూపాక్ష గుహ, యోగి రాంసూరత్ కుమార్ ఆశ్రమం, శ్రీ అరుణాచల ఆలయ దృశ్యాలను చూడవచ్చు. ఇవి 240 ఫొటోలు.

అన్ని ఫొటోలనూ చూడడానికి ఇక్కడ క్లిక్ చేయండి.










9 కామెంట్‌లు:

  1. అద్భుతమయిన ఫోటోలు, బీవీవీ
    మరి, వ్యాసం ఎప్పుడు?

    రిప్లయితొలగించు
  2. అఫ్సర్ గారూ, నా చాదస్తం కాని, అరుణాచలం ఫోటోలు ఎవరు చూస్తారు అనుకొన్నాను. ఇప్పటి వరకూ ఎక్కువ మంది చూసిన పోస్ట్ ఇదే! శ్రీ రమణ మహర్షి గురించి రాయటానికి, నా తాహతు సరిపోతుందా, అయినా రాయాలి.. ఋణం తీర్చుకోవాలి చాతనైనంత..

    రిప్లయితొలగించు
  3. అద్భుతంగా ఉన్నాయండి. ఇవి చూశాక మేము తిరువణ్ణామలై లో గిరిప్రదక్షిణం చేయటం, అరుణమహర్షి ఆశ్రమం ,ఆ విషయాలు గుర్తు వచ్చాయండి.

    రిప్లయితొలగించు
  4. ప్రతి నెల పౌర్ణమి రోజున వేలాదిమంది భక్తులు గిరిప్రదక్షిణ చేస్తారు. ఒకోసారి పగలు ఎండగా ఉంటుంది. అందుకే , చాలామంది రాత్రి సమయంలో ప్రదక్షిణ చేస్తారు. పగలైనా, రాత్రయినా ఎప్పుడు గిరిప్రదక్షిణ చేసినా మంచిదే. అసలు ఆ అవకాశం కలగటం అన్నది ఎవరికైనా అదృష్టమే. అంతా దైవం దయ.

    రిప్లయితొలగించు
  5. wow.. photos chalabagunnay andi... arunachala yatra vishesalu naa blog lo rasanu andi.. miku vilupadite okasari chudandi...

    http://rajachandraphotos.blogspot.in/2012/02/blog-post.html

    రిప్లయితొలగించు
    రిప్లయిలు
    1. అరుణాచలం గురించి మీ వ్యాసం చాలా బాగుంది. అరుణాచలం వెళ్ళదలచినవారికి ఈ వ్యాసం చాలా సహాయకారి. సంతోషం.

      తొలగించు
  6. ప్రసాద్ గారు, అద్భుతంగా ఉన్నాయి ఫోటోలు. చిత్రాలు చూడ్డానికే ఇంత ప్రశాంతంగా అనిపిస్తుంటే ఇక వెళ్టే ఎంత బావుంటుందో అనిపించింది. మా తమ్ముడు వాళ్ళూ క్రితం ఏడాది అక్కడ పౌర్ణమినాడు ప్రదక్షిణ కూడా చేసారు. చాలా బావుంటుందని చెప్పారు..thanks for sharing the photos.

    రిప్లయితొలగించు
    రిప్లయిలు
    1. తృష్ణ గారూ.. చాలా సంతోషం. ధన్యవాదాలు మీ స్పందనకి. వీలున్నపుడు ఒకసారి అరుణాచలం వెళ్ళండి. కొద్దిపాటి సున్నితత్వం ఉంటే చాలు, అక్కడి వాతావరణం లోని పవిత్రత అనుభవం లోకి వస్తుంది.

      తొలగించు